[兒童聖經故事] 耶穌的誕生 (廣東話)

Original picture can be found in
https://www.freebibleimages.or....g/illustrations/birt
Contributed by Sue Bentley
Under Creative Commons Attribution-ShareAlike 3.0 Unported License.

耶穌的誕生。

好耐之前，上帝派咗一位名叫加百列嘅天使到以色列嘅拿撒勒鎮。呢度住咗一位名叫馬利亞嘅年輕女子，天使向佢傳達咗一個非常重要嘅信息。佢將要生一個孩子，要給他起名耶穌，因為佢系上帝嘅兒子。馬利亞非常興奮，並回答天使。 “願照你嘅話成就喺我身上。”

馬利亞將要嫁俾一個名叫約瑟嘅年輕人。佢非常愛約瑟。但當約瑟得知馬利亞有孩子嗰時，佢唔明白並且好難過。佢決定唔同馬利亞結婚。

就喺嗰一晚，約瑟發咗一個夢。佢見到一位天使，天使話俾佢知可以娶馬利亞。馬利亞所生嘅孩子系上帝嘅兒子，要給他起名耶穌，因為佢將世人從罪惡中拯救出嚟，正如上帝好耐以前對先知以賽亞嘅應許咁。

當約瑟瞓醒，佢按照天使嘅意思去做，娶咗馬利亞。佢地都非常愛上帝同對方，並且非常高興有個特別嘅兒子。

喺馬利亞生下小耶穌之前，一位名叫奧古士督嘅統治者想要普天下嘅人登記戶口。馬利亞同約瑟都必須去登記戶口。佢地要前往一個叫伯利恆嘅城市。佢地一早就出發，因為呢座城市離拿撒勒好遠。

約瑟同馬利亞花咗好幾日先到達伯利恆城。

到達時兩個人都已經好攰。

當佢地進入城入面，佢地見到好多人都嚟登記戶口。每個人都喺度搵地方住。馬利亞同約瑟想知道喺嬰兒出生之前，佢地能喺邊度搵到休息嘅地方。

伯利恆城嘅每個房間都擠滿人，馬利亞同約瑟搵唔到地方住。所有客棧都冇位置。店主們都話佢地冇地方。

就喺佢地越嚟越擔心嘅時候，有一個店主同佢地講，佢地可以喺旅店旁邊嘅馬槽休息。就喺嗰一晚，嬰兒耶穌出世，馬利亞用布將佢包起嚟，放喺馬槽入面。馬利亞同約瑟都開心到流淚，因為呢個嬰兒系上帝俾佢地同世界嘅禮物。

另一件令人興奮嘅事情，正喺附近嘅一座小山上發生。一位天使告訴一群牧羊人，救主耶穌基督降生喺伯利恆，叫大家去見耶穌。天使講完之後，天空中出現好多好多天使，都喺度讚美神。

天使一離開，牧羊人就走到伯利恆，搵到馬利亞、約瑟同耶穌。佢地好高興見倒上帝嘅兒子。當佢地見完耶穌後，就將天使對佢地講嘅好消息傳開！

喺距離伯利恆好遠好遠嘅地方，一啲智者正喺度追隨天空中一顆美麗明亮嘅星星。佢地知道有一位非常特別嘅君王即將誕生，而呢一顆星將帶領佢地走向耶穌。

智者們日夜追隨呢一顆星，最後去到馬利亞、約瑟同耶穌居住嘅地方。然後佢地俾咗耶穌一啲黃金、乳香同沒藥，並且敬拜祂。

‘因有一嬰孩為我們而生、有一子賜給我們．政權必擔在他的肩頭上．他名稱為奇妙策士、全能的神、永在的父、和平的君。 ‘以賽亞書 9章6節