[兒童聖經故事] 保羅在腓立比被囚 (廣東話)

Original picture can be found in
https://www.freebibleimages.or....g/illustrations/sb-p
Contributed by Sue Bentley
Under Creative Commons Attribution-ShareAlike 3.0 Unported License.

保羅在腓立比被囚。

保羅同西拉同埋一啲門徒喺腓立比城。有一日，佢地去祈禱。

當佢地穿過城市嗰時，一個被巫鬼附著嘅婢女，注意到保羅，並開始跟隨佢地。

女孩跟住佢地，大叫，“呢啲人系至高神嘅僕人，佢地可以話俾你聽點先可以得救。”

佢大叫咗好多日，保羅覺得好煩，就轉身命令巫鬼喺女孩身上走出嚟。

女孩立刻被釋放。

呢個女孩原本靠占卜幫佢嘅主人賺大錢。當佢嘅主人發現佢已經失去占卜嘅能力，就非常嬲。

佢嘅主人指責保羅同西拉， 並且捉住佢地。

佢地將保羅同西拉帶到審判官面前，指佢地製造麻煩，傳羅馬人不接受，不准實行嘅規例。

審判官就下令毆打保羅同西拉。

然後佢地被送進監獄，獄卒嚴密看守佢地。將佢地嘅腳放喺木塊之間，咁佢地就郁唔到。

半夜，保羅同西拉開始祈禱同歌頌上帝。所有嘅囚犯都聽到。

突然發生地震，監獄震動， 啲門都打開咗，所有囚犯嘅鎖鏈都甩哂。

聲音驚醒獄卒，佢以為所有嘅囚犯都逃走咗，就打算自殺。但佢聽到保羅同佢講唔好害怕， 佢哋仲喺度。獄卒拎住燈走入去佢地嘅牢房，俯伏喺保羅同西拉面前。

獄卒將保羅同西拉帶到監獄外，問佢地：“我要做乜嘢先能夠得救？”保羅回答就話：“當信主耶穌，你和你一家必得救。”

獄卒照顧保羅同西拉。幫佢地清洗傷口，然後獄卒一家人都接受洗禮。

之後，獄卒帶保羅同西拉到佢屋企一齊食飯。佢好高興能夠一家人成為基督徒，並感謝上帝。