[兒童聖經故事] 摩西出生並長大 (廣東話)

Original picture can be found in
https://www.freebibleimages.or....g/illustrations/sb-b
Contributed by Sue Bentley
Under Creative Commons Attribution-ShareAlike 3.0 Unported License.

摩西出生並長大。

約瑟同佢嘅兄弟去世後，以色列人生養眾多，並且繁茂，極其強盛。一位新嘅國王開始統治埃及，佢害怕以色列人，怕日後遇到爭戰嘅事，就連合埃及嘅仇敵攻擊埃及。所以佢迫以色列人成為奴隸，並要佢地建造兩座貯貨城。

國王害怕以色列人，佢命令殺死以色列人嘅男嬰，但有兩名敬畏上帝嘅希伯來助產士，名叫施弗拉同普阿，將男嬰收埋起嚟以保護佢地。

有一個利未人，佢同佢嘅妻子生咗一個男嬰。佢地盡力收埋佢地嘅兒子，但最終不得不搵另一種方法嚟保護佢。

於是，女人做咗一個蒲草箱，並抹上石漆同石油，令到佢能夠防水。然後佢將嬰兒放喺籃子入面，放喺河邊嘅蘆荻中。

男嬰嘅姐姐遠遠站著，想睇睇男嬰漂浮喺河入面會發生乜嘢。法老嘅女兒嚟沖涼，見到孩子，就叫人將孩子接過嚟。當男嬰開始哭泣時，法老嘅女兒就可憐男嬰，佢知道呢個係一個希伯來嬰兒。

呢個時候，嬰兒嘅姐姐走過嚟，問公主係唔係需要奶媽照顧嬰兒，公主同意。於是，佢嘅姐姐帶著佢嘅母親嚟照顧自己嘅兒子。

嬰兒長大成人，喺王宮入面作為法老女兒兒子長大，並被教導埃及人嘅一切知識。公主幫佢起名叫摩西，因為佢話。 “因我將佢從水入面拉出嚟”。

摩西長大後走出宮殿，去見佢嘅弟兄以色列人。佢睇到一個埃及人打一個希伯來人嘅奴隸。

摩西非常生氣，佢左右觀看，見冇人，就殺死埃及人並將佢埋喺沙土入面。

第二日，兩個希伯來人打交，摩西試圖制止佢地，但佢地仲係好嬲。 “難道你要殺我，好似殺嗰個埃及人咁？”佢地講。摩西便懼怕，因佢意識到有人知道佢殺埃及人。

法老聽見摩西嘅所作所為，就下令要將佢處死，摩西卻逃到米甸嘅曠野。

摩西嚟到沙漠中嘅一口井邊坐下。一啲女孩過嚟想俾佢地嘅羊群飲水，牧羊人試圖趕走佢哋，但摩西卻起嚟幫助佢哋俾羊群飲水。

當女孩嘅父親聽到摩西幫助佢哋，佢邀請摩西到佢嘅家中食飯。女孩嘅父親同摩西一齊生活，亦都將佢嘅女兒西坡拉俾摩西為妻。