[兒童聖經故事] 约瑟拯救以色列一家 (廣東話)

Original picture can be found in
https://www.freebibleimages.or....g/illustrations/pres
https://www.freebibleimages.or....g/illustrations/pres
https://www.freebibleimages.or....g/illustrations/pres
https://www.freebibleimages.or....g/illustrations/pres
Contributed by Sue Bentley
Under Creative Commons Attribution-ShareAlike 3.0 Unported License.

從前有一個叫約瑟嘅年輕人，佢同佢嘅父親雅各以及其他十一個兄弟住喺迦南地。約瑟係佢父親最鍾意嘅孩子，有一日佢得到一件彩色長衣。呢件事令到佢嘅兄弟非常嫉妒，佢地嬲約瑟。

有一日，約瑟發咗一個夢，佢話俾佢嘅兄弟們，喺夢入面佢地一齊捆麥子，兄弟們嘅麥子都向約瑟嘅麥子下拜。呢件事令到兄弟們更加嬲佢，佢地對約瑟講：“唔通你要統治我地？”

然後約瑟又發咗一個夢，佢又將呢個夢話俾佢嘅兄弟同父親。呢一次，太陽、月亮同十一顆星星向約瑟下拜。呢件事令到佢嘅兄弟們比以往更嬲佢，甚至佢嘅父親亦都想知道呢個夢係乜嘢意思。

有一日，雅各想知道佢嘅兒子們同佢嘅羊係咪平安。於是佢派約瑟去搵佢地，但約瑟搵佢地唔到。然後一個人同約瑟講，佢啲兄弟們帶住啲羊去咗一個叫多坍嘅地方。

當兄弟們見到約瑟向佢地走近時，就想要殺死佢。但其中一個兄弟流本就話，佢地唔應該傷害約瑟，先將佢掉入空井入面，直到佢地決定如何處置佢。流本咁樣講係因為佢想搵機會救出約瑟。

約瑟被掉到一口空井入面，感到非常難過同害怕。當佢喺黑暗中嗰時，佢聽到上方嘅兄弟喺度講話同食野。佢哭著求救，但冇人理佢。佢地拎走咗佢嘅彩色長衣。

流本唔喺度嘅時候，一啲商人向兄弟們走近。佢地要將香料帶到埃及，喺市場上出售。另一個兄弟猶大認為，佢地應該將約瑟賣俾商人。每個人都認為呢個係個好主意，商人就俾佢地二十塊銀子，將約瑟帶走。

當流本返嚟時，佢知道約瑟被賣，感到非常沮喪。佢地決定帶著彩色長衣去搵佢地嘅父親，講係一隻野獸殺死約瑟， 淨係得返佢嘅彩色長衣。雅各不停喊，佢嘅兒子們都無法安慰佢。

商人帶約瑟到埃及去賣，但上帝仍然與約瑟同在。一個名叫波提乏嘅人, 佢係法老嘅護衛長，佢買咗約瑟做佢屋企嘅工人。

波提乏見到神同約瑟同在，就俾佢做咗管家。約瑟管理其他僕人應該做乜嘢，並為佢嘅主人努力工作。

波提乏嘅妻子見約瑟英俊，就勾引佢。但約瑟冇聽佢講，因為佢知道呢個係唔啱嘅，亦會傷害上帝同波提乏。

波提乏嘅妻子對約瑟大發雷霆，講大話陷害約瑟，於是佢嘅丈夫捉咗約瑟去坐監。約瑟好傷心，但上帝令監獄長鍾意約瑟，監獄長俾佢管理其他囚犯。

有一日，一位曾經係法老酒政嘅囚犯請約瑟解釋佢嘅夢。 夢入面佢睇到葡萄樹上有三根枝子，法老嘅杯喺佢手中。約瑟講，呢個夢意味著三日後，酒政將被釋放，並再次喺宮殿入面工作。

另一位曾經係法老膳長嘅囚犯亦都請約瑟解釋佢嘅夢。夢入面佢睇到三籃餅喺佢嘅頭上。有雀仔食佢頭上籃子入面嘅食物。約瑟傷心咁解釋，呢個意味著膳長將喺三日內被處決。

三日後，酒政被釋放，膳長被處決。約瑟請求酒政喺法老面前記念佢，因為佢係無辜嘅，唔應該楚監。但係酒政一回到宮殿，就唔記得咗約瑟。

兩年過去，法老發咗兩個夢，冇人能夠明白。酒政記得約瑟係點樣解釋佢嘅夢，就推薦約瑟為法老解夢。法老釋放約瑟出嚟，俾約瑟穿上乾淨嘅衣服。

法老有兩個夢。喺第一個夢入面，佢見到七頭肥牛喺河入面上嚟，喺草地上食草。但隨後佢睇到七隻瘦牛喺河入面上嚟，食咗七隻肥牛。

喺另一個夢入面，法老睇見一根麥上生長咗七個飽滿嘅麥穗。然後佢睇到七個乾瘦嘅麥穗食咗嗰七個飽滿嘅麥穗。

約瑟細心聆聽，然後為法老解夢。 “上帝話會有七年大豐收，然後七年饑荒。 法老要搵一個有智慧嘅人建倉，豐收時儲備糧食。然後饑荒嗰陣時，就會有足夠嘅食物嚟養活大家。

法老見約瑟有見識，有智慧，就派佢掌管所有嘅糧倉同倉庫。法老俾咗佢嘅戒指約瑟，又俾咗一條金鍊佢。每個人都必須喺約瑟面前鞠躬，因為佢依家係埃及法老之後第二重要嘅人。

正如上帝所講，法老嘅夢應驗咗。喺豐收嘅七年入面，約瑟收集所有多餘嘅食物並儲存起嚟。糧食太多，好似沙一樣咁多。

約瑟同一個名叫亞西納嘅埃及女子結婚。佢哋有兩個仔。第一個叫瑪拿西，第二個叫以法蓮。上帝賜福俾約瑟一個幸福嘅家庭。

然後七年嘅飢荒來臨。喺其他國家幾乎冇任何食物，但埃及儲存大量食物。埃及人喺約瑟嗰度購買食物，其他國家嘅人亦都前往埃及買食物。

飢荒已經蔓延到迦南，約瑟嘅家人正在挨餓。於是雅各吩咐兒子們到埃及去買糧食。但佢冇俾約瑟嘅細佬便雅憫去，怕佢會出事。

當十兄弟嚟買糧食時，約瑟認出佢地，但冇透露佢係邊個。兄弟們喺佢面前鞠躬，卻唔知道係佢地嘅兄弟約瑟。約瑟指責佢嘅兄弟係間諜。

兄弟們堅稱佢地係無辜嘅，並解釋佢地嘅父親同細佬便雅憫留喺迦南地，其他人去埃及買食物。約瑟堅持佢地講大話，並將佢地都關進監獄。

三日後，約瑟帶佢地出獄。話俾佢哋聽可以買食物，但佢地必須帶便雅憫一齊回埃及。兄弟們對此非常不滿。 “上帝正在懲罰我地之前咁樣對待約瑟，”。當約瑟知道佢地談論佢時，佢轉身開始哭泣。

約瑟想確保兄弟們同便雅憫一齊返嚟，囚禁咗兄弟中嘅西緬。當兄弟們同便雅憫一齊返嚟嗰時，西緬先會被釋放。

兄弟們交錢買糧食。約瑟吩咐僕人用麻袋裝滿兄弟嘅驢，並暗中吩咐僕人將買糧食嘅錢放喺裝糧食嘅麻袋入面。佢仲幫佢地提供回迦南旅程嘅食物。

當兄弟們喺回迦南嘅路上停下嚟休息時，佢地打開麻袋，先睇到入面嘅錢。佢地都非常害怕。埃及人會唔會認為佢地偷錢呢？佢地唔明白點解買糧食嘅錢喺佢地嗰度。

當佢地到達迦南時，流本試圖向佢嘅父親雅各解釋發生咗乜嘢事。當雅各聽到埃及統治者要佢地同便雅憫一齊回去，佢就非常沮喪。儘管西緬被囚禁喺埃及，但佢唔希望佢嘅小兒子便雅憫處於危險之中。 “如果佢受到任何傷害，我會傷心至死，”佢回答話。

於是雅各同從埃及返嚟嘅兄弟有足夠嘅食物留喺迦南。可憐嘅西緬仍被囚禁喺埃及。

當雅各同佢嘅家人食哂佢地從埃及帶嚟嘅所有食物時，佢地又開始挨餓。猶大告訴佢嘅父親，佢地可以回埃及去買更多嘅食物，但便雅憫必須同佢地一齊回去。雅各唔想便雅憫離開，但最終懷著悲傷嘅心情，同便雅憫同佢嘅其他兒子道別。

當兄弟們到達 埃及時，佢地去見約瑟。約瑟見到細佬便雅憫，就吩咐管家將眾人帶到佢屋企，並且準備飯菜。中午大家一齊食飯。

當兄弟們被帶到約瑟屋企時，佢地就害怕。佢地認為佢地會因為喺袋子入面嘅銀子而被捕，但當佢地向管家出示硬幣時，管家講呢個係上帝俾佢地嘅錢，佢地不必償還任何東西。然後西緬被釋放出獄。

所有嘅人都同約瑟坐埋一齊，喺佢屋企入面食一頓大餐。約瑟將佢地按年齡排序，佢地都對此感到驚訝。佢仲俾便雅憫比其他人多五倍嘅食物。佢地食食喝喝都好開心，但佢地都冇意識到同佢地一齊嘅係佢地嘅兄弟約瑟。

後嚟，約瑟吩咐管家裝滿佢地放糧食嘅袋子，又將佢地買糧食嘅錢放回去。然後又叫管家將銀杯放入去便雅憫嘅袋子入面。管家照約瑟嘅吩咐去做。

嗰日一朝早，當兄弟們回家時，約瑟派管家跟喺佢地後面。當管家追上佢地時，就搜遍佢地所有嘅麻袋，好快就喺便雅憫嘅袋入面搵到嗰個銀杯。就話最小嘅便雅憫必須成為約瑟嘅奴隸，但所有人都同意一齊返回埃及，試圖解釋佢地係無辜嘅。

當兄弟們去到約瑟面前時，佢地向約瑟下跪。約瑟假裝生氣，講便雅憫一定要成為佢嘅奴隸，但其餘嘅人都可以走。於是，猶大開始乞求佢細佬嘅性命。佢提出同便雅憫交換，永遠做約瑟嘅奴隸。

約瑟最後都係忍 唔住。佢叫所有僕人離開，直到剩下佢同佢嘅兄弟們。然後佢哭著大聲講：“我係你嘅兄弟約瑟！”但兄弟們不敢相信。 '係真嘅。唔好擔心你地對我做乜嘢，”約瑟繼續講，“上帝已經用我嚟拯救我地一家免受飢荒。依家我地所有人同我地嘅父親都會得救。 “

然後約瑟轉向便雅憫，用雙臂攬住佢，佢地倆人都喊出嚟。然後約瑟擁抱佢所有嘅兄弟，叫佢地回到父親嗰度，帶佢到埃及，喺埃及佢會俾一家人一個生活快樂嘅地方。

於是所有嘅兄弟都回家，起初雅各唔敢相信呢一切都係真嘅，但最終佢相信並前往埃及。喺路上，約瑟坐喺佢嘅戰車上，睇到佢嘅父親跑到佢身邊，用雙臂攬住佢，哭著哭著。 “你仲活著，”佢父親喘著氣講。然後，約瑟嘅全家都生活喺一個名叫歌珊嘅地方。