[兒童聖經故事] 約拿和大魚 (廣東話)

Original picture can be found in
https://www.freebibleimages.or....g/illustrations/jona
Contributed by Sue Bentley
Under Creative Commons Attribution-ShareAlike 3.0 Unported License.

從前有一個人叫約拿。佢係一位先知，佢將上帝嘅信息傳達俾人。有一日，上帝叫佢去尼尼微城，叫佢地唔好再做壞事，否則上帝將懲罰佢地。

但約拿唔想去尼尼微城。佢討厭尼尼微城嘅人，約拿希望上帝懲罰佢地，而唔係原諒佢地。於是佢逃走到海邊。佢睇到一艘船開往遙遠嘅地方，就決定買票上船。佢認為上帝會搵佢唔到。

當約拿上船後，佢感到非常疲倦，就去咗瞓覺。約拿唔知道喺甲板上，一場可怕嘅風暴已經開始咗。

海浪就快將船打爛。船長同佢嘅手下正喺度掉東西到海入面，試圖阻止船下沉，但係冇奏效。

當所有人都向佢地嘅神祈禱嗰時，船長發現約拿仲喺度瞓覺。船長叫醒約拿，叫佢向佢嘅神祈禱，尋求幫助。約拿解釋，上帝系用風暴嚟阻止佢逃跑。 “如果你將我掉到海，”約拿就話，“暴風雨就會停止。”但呢啲人唔想咁做，試圖繼續挽救快要沉沒嘅船。

風暴越嚟越嚴重，船長同佢嘅手下最終決定將約拿掉到海入面。佢地請求上帝原諒佢地，大海立刻平靜，佢地都感謝上帝。與此同時，約拿沉入水中，越嚟越深，但上帝已經準備一條大魚嚟搵佢，並將佢吞入肚。

依家約拿喺魚肚入面。佢開始感謝上帝喺海中拯救佢。佢意識到試圖逃避上帝係非常愚蠢。

約拿喺大魚肚入面三日三夜，然後上帝令到大魚大咳一聲，約拿就喺大魚嘅嘴吐出嚟，落喺沙灘上。約拿好高興能脫離大魚！

上帝叫約拿去尼尼微城，叫佢地唔好再做壞事。呢一次約拿照上帝嘅吩咐去做，當佢到達尼尼微城，佢開始話俾所有嘅大人同細路，上帝對佢地所做嘅所有壞事感到非常難過。嗰啲人聽到約拿嘅話就非常後悔，好快每個人，包括國王，都向上帝祈禱，大家都願意悔改。

最終上帝原諒尼尼微人，但約拿好嬲。約拿認為佢地唔應該被原諒。約拿坐喺城外，希望上帝會改變主意並懲罰佢地。當約拿等緊嗰時，天氣變得非常熱，所以上帝俾咗一棵有大綠葉嘅植物長大，幫約拿阻擋太陽。約拿非常開心。

但係第二日，上帝派咗一條蟲嚟食呢棵植物。然後太陽照喺約拿嘅頭上，約拿又熱又出汗，非常唔開心。佢悶悶不樂，希望自己可以死。

然後上帝對約拿講。 “你因為植物枯萎而難過，但你冇種佢，亦都冇照顧佢。尼尼微人比植物重要得多。我愛佢地所有人，甚至佢地嘅動物，我會向佢地展示我嘅愛同寬恕。