[兒童聖經故事] 亞當和夏娃違背命令 (廣東話)

Original picture can be found in
https://www.freebibleimages.or....g/illustrations/pres
Contributed by Sue Bentley
Under Creative Commons Attribution-ShareAlike 3.0 Unported License.

上帝喺伊甸園造出各種樹, 樹上嘅果實好睇又好食。園中仲有生命樹，亦有分別善惡樹。

上帝創造男人，叫亞當，女人叫夏娃。上帝將亞當放喺伊甸園，叫佢耕種同看守園子。

上帝警告亞當，除咗分別善惡樹嘅果子，佢可以食園子中任何嘅果子。但如果亞當食分別善惡樹嘅果子，佢就會死。

有一日，一條蛇嚟到花園，佢係所有動物中最狡猾嘅。

當夏娃走過時，蛇問夏娃：“上帝真係講過，你唔可以食花園任何樹上嘅果子咩？”夏娃就回答：“我地可以食任何樹上嘅果子，除咗分別善惡樹嘅果子， 我地不能食亦不能摸，唔係嘅話會死。” 蛇就話，“你唔會死，而且你食完會變得好似上帝一樣知道善惡。”

樹上嘅果實睇起嚟好好食，夏娃相信果實可以令到佢變得聰明，就摘下嚟食。然後佢又俾亞當，亞當都食咗果子。

當亞當同夏娃食咗果子之後，佢地發現自己係赤身露體，佢地感到羞恥同害怕。

兩人從附近嘅一棵樹上採摘無花果葉，做衣服遮蓋自己嘅身體。

然後亞當同夏娃喺天涼嘅時候，喺花園散步，聽到上帝嘅聲音，佢地都害怕並匿埋喺樹叢中。上帝呼喚佢地，亞當回答講：‘我喺園中聽見你嘅聲音，就害怕。因為我赤身露體，所以匿埋起嚟。 ‘

上帝問佢地有冇食過分別善惡樹嘅果子。亞當就話，系夏娃俾果實佢嘅。夏娃就話蛇欺騙佢，佢先會食果子。

然後上帝對蛇講：‘因為你做嘅事，你將受到詛咒，你將會用肚子喺地上爬行，終日食土。你會同女人彼此仇恨，女人要傷害你嘅頭，你會傷害女人嘅腳跟。

然後上帝對夏娃講，因為佢嘅不順服，佢喺生孩子時會受苦。上帝對亞當講，地上會生長出荊棘同雜草，亞當要日日勞苦先能種出食物。

然後上帝俾亞當同夏娃披上獸皮，讓佢地離開美麗嘅伊甸園，因為上帝唔想俾佢地食生命樹上嘅果子，永遠活喺罪惡之中。

上帝喺伊甸園嘅入口處安置天使，並用一把燃燒嘅劍旋轉，把守通往生命樹嘅道路。